“Dukagjini në shekuj”, me autor Ndue Cukeli.
Në ketë libër, përfshinë historinë e popullit të Dukagjinit të një periudhe kohore prej më shumë se 800 vjetësh. Sjell, autori, nga thellësitë e shekujve mesazhin e luftërave heroike të dukagjinasve për mbrojtjen e trojeve shqiptare kundër pushtuesve. Publikohen cilësitë morale që karakterizojnë dukagjinasin, si guximin, trimërinë, dashurinë për atdhe, besën, vendosmërinë, mikpritjen, solidaritetin shoqëror, drejtësinë, e të tjera. Paraqet etnografi, toponomastikë, kulture materiale dhe shpirtërore, figurat e shquara të Dukagjinit.
“Ti o kenga e thellësive te shpirtit”, me autor Prele Milani.
Ne kete liber paraqitet Bibla ne Vargje: Ti o kenga e thellësive te shpirtit / O referen i te gjitha kengeve te botes / Levduar qofte emri i Jezu Krishtit / Zotit tone te vertete te qielles e te tokes ...
“Dukagjini i Ynë”, me autorë Prelë Milani dhe Lazer Kodra.
Bazë e këtij libri është historia autentike e Dukagjinit e ndërtuar sipas modelit biografik, me karakter historiko-letrar, por e perceptuar edhe si një klasifikim tipologjik krahasuar mes etnive të ndryshme fisnore të Dukagjinit.
Në ketë libër dhe në vijimësi do të njihemi me biografinë e shkrimtarëve me përmasa internacionale, me portrete muzikantësh, aktorësh, profesorësh me tituj e dekorata nga më të famshmit të Shqipërisë, me klerikë të mëdhenj, arkitektë të mendimit dhe martirë të besimit të shenjtë, me sportistë rekordmenë të disiplinave të ndryshme edhe në arenën ndërkombëtare.
“Thesare dukagjinase”, në pese vëllime, me autor Voc Deda.
Në këto botime, evidentohen shumë tradita, fjalë të urta, gjëegjëza, figura të shquara: shkencëtarë, artiste, shkrimtarë, intelektualë, heroi të popullit e të punës, dëshmorë e familje të shquara. Jepet historia e prejardhjes së Pultit dhe Dukagjinit, por vend të veçantë zë edukimi i familjes me normat e kohës, me normat në dasma, në morte dhe në festa, jepen përralla, legjenda, bestytni e gojëdhëna mbi dragonjtë, kuçedrat e zanat e malit. Gjendën kapituj mbi zakonet, paragjykimet, besëtytnitë dhe mjekimet popullore.
“Bisede me rininë”, me autor Voc Deda.
Ne këtë libër ka nocione filozofike, ne shërbim te rinise.
“Data historike dhe thënie”, me autor Voc Deda.
Ne këtë libër ka përmbledhje te dhënave Historisë se Përgjithshme dhe ne mënyre te veçante për Shqipërinë, Dukagjinin, si dhe thënie te personaliteteve dhe te popullit për Dukagjinin.
“Kuriozitete”, me autor Voc Deda.
Ne këtë libër janë te pasqyruar personalitete dhe te dhëna te gatshme për rritjen e nivelit kulturor te lexuesve.
“Historiku i fshatit Xhan”, me autor Voc Deda.
Ne këtë libër përfshihet historia e krijimit te fshatit Xhan dhe jetës se fiseve, vëllazërive, mënyra e jetesës, organizimi i marrëdhënieve te përditshme ne familje dhe ne mes vëllazërive, e te tjera deri ne ditët e sotme.
“Një misionar në shërbim të Kombit”, të autorit Shefik Osmani.
Ky libër është monografik për At’ Jak Marleka, ose profesor-doktor Luigj Marleka, i cili lindur në fshatin Plan, u shkollua në Shkodër dhe në Itali, mësues në gjimnazin “Illyricum” në vitin 1931-1937, student në vitin 1937-1941 përsëri në Itali, profesor i gjuhës e letërsisë Shqipe në Belojnë e Milano në vitet 1951-1961 dhe nga ky vit e deri sa ndërroi jetë, në Bari. Aty e lidhi jetën e tij me universitetin e Barit dhe me institutin Françeskan “S. Antonio” për 30 vjet. Vdiq në muajin Nëntor 2003, në moshën 97 vjeçare, duke lënë vepra të pavdekshme për popullin shqiptar, si ajo e “Pjetër Bogdanit”; përkthimet e veprave të At’ Gjergj Fishtës, në italisht, dhe një arkiv shumë të pasur në bibliotekën e Françeskanëve pranë Kuvendit të Fretnëve në Shkodër, në fushën e gjuhës e letërsisë shqipe, në fushën e historisë, në fushën e përkthimeve, në fushën e korrespodencës me personalitetet e kohës të Kombit Shqiptar, e të tjera, e të tjera.
“Dukagjini ka vend për të gjithë”, me autor Luigj Shyti.
Në ketë botim, janë 25 artikuj publicistikë, çka tregojnë synimet e autorit për tu shquar në ketë fushë, në fushën e publicistikës. Nëpërmjet tyre, autori, ne sjell historinë e vlerave shekullore të dukagjinasve dhe jep mesazhe për rolin e individit në një shoqëri të hapur, për rolin e komunitetit dhe të shtetit në demokraci, për njohjen e zbatimin e ligjit.
“Gjurme”, (Syzime etnografike ne Dukagjin) me autor Luigj Shyti.
Ne kete punim jane bere përpjekje per te perfshire nje problematike sa me te gjere e per t’u hapur rruge kërkimeve te mëtejshme. Ai permban ngjarjet dhe mjetet me te rendesishme te jetes dukagjinase, si: martesa, mjetet e përdorimit familjar deri ne vitin 1990, banesat karakteristike ne Theth, kulla e ngujimit ne Lotaj, parmenda-fuksioni dhe fjalori i saj, ndertimi dhe funksionimi i mullirit, kane thene motit, menyra dhe mjete per përballimin e bores ne male dhe ceremonia mortore.
“Dënesje në dru”, të shkrimtarit Lazer Stani.
Nëpërmjet 10 tregimeve, autori, tashmë i njohur në ketë fushë të letrave shqipe, për të cilat Anton Nikë Berisha, në pasthënie, në mes të tjerave, thekson: “ … Me tregimet e mëparshme të Lazer Stanit, si dhe me këto të përfshira në ketë vëllim, që përligjin një botë poetike, sat ë veçantë aq edhe të pasur, proza jonë tregimtare (bashkë me tregimet e Koliqit, Kutelit, Pashkut, Y. Shkrelit, etj.) bëhet prozë, letërsi e madhe. Letërsitë e mëdha i bëjnë vlerat, jo numri i atyre që i flasin gjuhët me të cilat ato përftohen. Mbetet detyrë e jonë e rëndësishme që këto vlera të dimë t’i bëjmë pjesë të jetës sonë shpirtërore dhe të dimë t’ua paraqesim edhe të tjerëve, që t’i njohin edhe ata. Ndërmjet tyre ata do ta njohin botën dhe shpirtin tone në mënyrë më të plotë se nëpërmjet çdo forme tjetër”.
“Ne Brengac shkohet për te vdekur”, me autor shkrimtarin Lazer Stani.
Ne këtë libër janë 10 tregime, kryesisht me objekt nga jeta e dukagjinasve.
“Në dritë, në terr dhe në tmerr”, me autor Ndoc Bjeshka dhe “Engjëjt e detit Jon”, të autorit Ndoc Bjeshka.
Libri, në përgjithësi është autobiografik. Pasqyron jetën e vet dhe njerëzve më të dashur të tij e familjes, në momentet më kulmore të dritës, por edhe të territ që mbeti pa sy, si dhe të regjimit diktatorial që i shkaktoi atij e familjes së tij tmerr.
“Engjejt e detit Jon”, me autor Ndoc Bjeshka.
Libri i kushtohet ngjarjes së jashtëzakonshme, kur me 9 janar 2004, në brigjet e detit Jon, humbën jetën 28 djem e vajza shqiptare, kryesisht dukagjinase, 8 prej tyre nuk ju është gjetur as trupi i tyre, dhe njeri prej tyre është djali i autorit të librit - Kreshnik Bjeshka.
“Mehmet Shpendi”, me autor Pal Doçi,
Autori, nëpërmjet figurës së Mehmet Shpendit, të këtij tribuni të vegjëlisë dukagjinase, të jetës e veprës së tij patriotike, na jep traditat patriotike të popullit për liri e pavarësi Kombëtare.
“Heroina Marije Shllaku”, me autor Shefqet Kelmendi.
Në ketë libër, monografik e letrar, autori sjell tek lexuesi jetën dhe veprën e heroinës Marije Shllaku, vajzës shkodrane, me prejardhje nga fshati Palaj të komunës Shllak, e cila i’a kushtoi Kosovës martire dhe për ketë, forcat serbe e kapen, e burgosen, e torturuan në mënyrë çnjerëzore, e dënuan me vdekje dhe u pushkatua në muajin nëntor 1946.
“Kanë shkruar për ju”, me autor Zef Mila.
Ky libër është përkthyer, nga italishtja, nga zoti Zef Mila, dhe përmban: Aforizma, fraza, motive e poezi firmosur nga personazhe të shquara të djeshme e të sotme. Libri është i ndarë në këto kapituj: Miqësi dhe dashuri; Emira dhe e keqja; Zoti; Dhimbja; Mosha e njeriut; Lumturia; Marrëzia dhe urtësia; Gjenialiteti dhe fama; Lufta dhe paqja; Liria; Martesa dhe familja; Natyra dhe kafshët; Ne dhe të tjerët; Kënaqësia; Pushteti dhe demokracia; Pasuria dhe varfëria; Koha; Gratë dhe burrat; Vese dhe virtyte.
“Përshëndetje”, me poezi dhe “Falma qerpikun”, me poezi, me autore Tone Deda.
“Bota sillet rreth grave”, me poezi, me autor Prelë Milani.
“Mos më lexoni”, me poezi dhe ‘Ishim bashkë dhe bashkë nuk ishim”, me poezi, me autor Lazër Kodra.
“Për të vërtetën”, me poezi, me autor Ndue Bregu.
“Historia e nji plage” (roman), me autor Lec Shllaku, shkrimtar dhe Artist i Popullit.
Ky roman, nuk asht roman dashurie, ... asht nji cope e shkoqun nga jeta shum e tunduese e nji çifti, i cili e kishte arrijte moshen e pjekunise per te mendue per t’ardhmen e vet ..., po per ta vleresue e per te vu ne dukje sa e rendesishme asht dashuria per njeriun ..., t’ua çorodisesh andrrat, .... aq e pafalshme asht tua plandosesh per toke ..., thekson autori.
“Shtegtimi i monumenteve”, me autor Lec Shllakun.
Paraqiten disa te dhëna mbi humbjet e trashëgimisë te ndërtimeve ne shkalle qyteti, ne shkalle Prefekture, shpërfytyrimet, shndërrimet e shembjet e mjaft objekteve historike e te monumenteve te kulturës sonë lëndore – natyrore.
“Perballja e madhe e Planit”, me autor Mehill Plani.
Ne kete liber paraqitet lufta dhe qëndresa e Dukagjinit ndaj ushtrive malazeze, ne menyre te veçante te fshatit Plan e Gjuraj.
“Një dritare nga jeta”, me autor shkrimtarin Luigj Temali.
Libri përmban pjesëza nga jeta e ne monizëm.
“Dukagjin dashnija jeme”, me poezi, me autor Mirash Mici.
“Barcaleta pa fund “, ne dy vëllime, me autor prof. as. dr. Zef Gjeta.
Ne këtë libër janë barcelata te pa fund nga jeta e përditshme e jona, te cilat nuk do te kenë mort kurrë.
“Nga goja ... te veshi”, me autor prof. as. dr. Zef Gjeta.
Liberi përmban 8 tregime humoristike, 8 ese dhe te tjera te jetës sonë, te cilat edhe ne shekullin tjetër do te jenë te këndshme dhe me plote aktualitet.
“Nji za n’ andërr”, me poezi, me autor Ndreke Dede Guri
“Dashuri e mall për Dukagjinin”, me autor Marash Kola.
Libri me shume përmban tema publicistike, malli për vendlindjen, kujtime, te cilat pasqyrojnë jetën e autorit te mbushur me plote jete te gjalle, përkushtim e dashuri për vendin e tij.
“Dukagjini ne rrjedhat e historisë”-1, me autor Shoqatën “Atdhetare Dukagjini”.
Libri përshinë temat e simpoziumit shkencor “Kuvendet malësore dhe koha”, kushtuar 85 vjetorit te Besës se Prekalit dhe “Traditat e popullit te Dukagjinit ne vitet 1890 – 1920”, kushtuar 95 vjetorit te luftës se Qafës se Agrit kundër pushtuesit turk; 90 vjetorit te luftës se Planit kundër ushtrive malazeze dhe 90 vjetorit te rënies se Mehmet Shpendit, i cili me këtë rast u dekorua me “Medaljen e art te shqiponjës”.
“Dukagjini ne rrjedhat e historisë”-2, me autor Shoqatën “Atdhetare Dukagjini”.
Ne këtë libër përfshihen temat e mbajtur ne simpoziumin shkencor “Një misionar ne shërbim te Kombit”, kushtuar At’ Jak Marleka, ose prof. dr. Luigj Marleka.
