MANIFESTIMI  TRADICIONAL 
“ZËRI I VLLAZËRISË- 2014”

Me datën 25-26 prill  2014, ky  manifestim  kulturo-letrarë, i pagëzuar me  emrin  “Zëri i Vëllazërisë-2014”,  u zhvillua   në Rrafshin e Dukagjinit.   Në ketë manifestim, morën pjesë  Teatri ‘’SHQIP”, nga  Tuzi  i Malit të Zi,   artistë, valltarë, poetë, këngëtarë  dhe aktivistë  nga Shoqata “Atdhetare-Dukagjini”;,   Ansambli “Shpëtimi“-Medvegjë  në  Kosovën  Lindore,   valltare  dhe  këngëtarë   nga komunat   Peje, Gjakove, Veprimtarë nga hapësirat e nacionalitetit Shqiptar.  
Atmosfere  festive ka filluar  në Teatrin “Istref Begolli “  ku  u bë   hapja solemne e Manifestimit me fjalën përshëndetëse dhe pastaj shfaqet drama “Klithma e një gruaje”  nga trupa e Teatrit “SHQIP”  të Tuzit. Një  interpretim i shkëlqyer nga aktorët,  të cilët sollën emocione për të pranishmit,  por edhe përcolli vlera për studiuesit  dhe artistet  pjesëmarrës. 
Pjesëmarrësit me veshje tradicionale parakalojnë nëpër qendrën e Pejës duke vallëzuar bashkërisht , edhe pse një dite me pak vranësira   e shi   të lehtë, atmosfera   festive  i dha gjallëri qytetit të Pejës. 
Në orët  e vona të pasdites, po në  ketë kinoteatër, këngëtarë, artistë e valltarë të pjesëmarrësve në manifestim, nga hapësirat Shqiptare dhe qytetet e Kosovës prezantojnë një program të zgjedhur artistik. Këngëtaret    e njohur    Rifat  Berisha,  Ismet  Dema, Pllumb  Vrinca, Vjola Shqau, Agustin Pëllumbi, Gëzim Zefi,  e ftuara e Shoqatës sonë, këngëtarja e mirënjohur në gjithë hapësirën shqiptare, Bardhe Tushaj nga Gjakova  dhe shumë   të tjerë më të rinj,    krijuan një  atmosferë  të  shkëlqyer. Grupi  i valltarëve  nën drejtimin e koreografit te mirënjohur Aldo Nika, por edhe  ata  të  ansamblit “Dardania” në   Pejë,  morën duartrokitjet  e publikut  që kishte mbushur  sallën .
Ne ketë  veprimtari, ne komunën e Klinës u zhvillua ora letrare, e cila u hap  shefja e kulturës   në këshillin  komunal  të Pejës, zonjusha  Kristina Lazri. Ceremonia  ka filluar  me   prezantimin  e librit studimor  historik  të autorit Ndoc  Selimi  ‘’Kultura e Komanit  dhe Komanasit”.  Referatin mbi vlerat e librit   dhe  risitë   që sjell ky studim, një hulumtim shumëvjeçarë    i  autorit,    e  bëri poeti  nga  Peja,   Prend  Buzhala.  

Kanë  dhënë  opinionet  e tyre rreth këtij libri, Luigj Shyti dhe Prele Milani,  por për autorin e librit   Ndoc Selimi, N/kolonel në rezervë,  një ish pilot i Forcave Ajrore te Republikës së Shqipërisë,  ka pasur  edhe një surprizë tjetër .  Studiuesit Ndoc Selimi, nga Kryesisë e Shoqatës "Atdhetare-Dukagjini", i jepet titulli "Mirënjohja e Shoqatës", me motivacion: “Hulumtues i vëmendshëm dhe promovues i historisë dhe kulturës së vendlindjes në shërbim të së tashmes dhe të së ardhmes”.