part01
part02
kryesore historiku aktivitete gazeta botime tetjera

Dy takime dhe shumë kujtime

- Reportazh nga  veprimtaritë  letrare  në Rozhaje  të Mali i Zi dhe  Istog  të  Kosovës –

Me 26 Nëntor 2016, në  Rozhajë
Një  grup  i  Shoqatës  Atdhetare  “Dukagjini”,  ishim  të  ftuar  në  Manifestimin letrar, e pagëzuar me emrin "Ora  Maleve”, në Rozhajë, në Republikën e Malit  i  Zi. Një  veprimtari  e  përvitshëm  mbarëkombëtare kulturor   dhe  letrar,  që   mbahet   në respekt  te  te rënëve   në lufte  për  çlirimin  e  Kosovës.
Të  ftuar  nga  ideatori  dhe  drejtuesi  e  kësaj veprimtarie,  z  Ali Daci,  ndiheshim  të obliguar,  por  edhe   të  respektuar..
Një  bashkësi  krejt  e  vogël  shqiptar  në  ketë  qytet, rreth 1158 banore, megjithatë  kjo  veprimtari  e  përvitshme, ka  fituar  emër  dhe  ka  bere  jehone.
Pjesëmarrjen  në  ketë  veprimtari letrare e mundësoj  z.  Mhill  Prroni, dhe  së bashku me  kryetarin  z. Sanaj  e  shkrimtarin  z Luigj  Martini, pas një  rruge  të  gjate  dhe  të  lodhshme  mbërritëm  në   atë  qytet  të  vogël. Në  asnjë  dite  të  vitit  ky  qytet  nuk  ndihet  më  shqiptare, kane  ardhur  nga  të  gjitha  anët, poet , studiues, gazetare, veprimtare  të çështjes  Shqiptare.
Një  ditë  për  shqiptaret, .kështu  mund  të  cilësohet  kjo  ditë  festive   e mbushur  me  një  kalendar  veprimtarish:
Një  ekspozite  me  piktura e  hapur  që  në  mëngjes, në  sallën  për  kulture të  këshillit  komunal. Mjaft  vizitor , mjaft  foto  e kujtime,  por  edhe  mirënjohje  e vlerësime. Pastaj  veprimtaria  vijoi në  sallën  e madhe, që u  zhvillua  pjesa  tjetër  e programit.
Një  dokumentar  mbi  disa  nga  filmat  e  kineastit  shqiptar,   Isa  Qosja. Mjaft  mbresëlënës  dhe  interesant, .por  edhe  artistik  e  prekës. I  vlerësuar  me  disa  çmime ndërkombëtare për  punën  e  tij, Profesor  Isa  Qosja mori duartrokitje  dhe  vlerësime nga  të  pranishmit.
Me  korrektësinë, autoritetin dhe elementet  që  përcjell Shoqata Dukagjini  kudo  që  shkon imponon  vlerësim  dhe  merr   përgjime  nga  organizatoret. Pas  fjalës  përshëndeste  kryetari Ndue  Sanaj,  dorëzoj  disa  vlerësime dhëne nga  kryesia  e  Shoqatës. Manifestimi Letrar “Ora e Maleve”, u nderua me titullin “Mirënjohja Martin Camaj”, me motivacion: “Për punën e vlefshme në lëvrinin e poezisë shqipe, e cila është një urë lidhëse e fuqishme e hapësirave shqiptare”; Komandanti Adem Nail Kurtaga, pas vdekjes, u nderua me titullin “Medaljoni Mehmet Shpendi”, me motivacion: “Në detyrën e komandantit të forcave vullnetar për mbrojtjen e trojeve shqiptare tregoi aftësi të larta organizative e drejtuese, i vendosur deri në flijim për mbrojtjen e tyre, luftëtar i paepur në lufte për  çështjen nacionale”, te cilin e mori pasardhësi i tij, Dr. Kenan Kurtaga. Gjithashtu, Drejtuesit te këtij manifestimi dhe shkollës fillore “Dacaj” ju dhuruan disa libra.
Tek  pjesa  letrare, në  hapësirën  e  poezive,  poetet  pjesëmarrës lexuan nga një poezi. Edhe  Lulash Brigja  lexoi  një  poezi, me titullin “Unë jam dukagjinas”.
Nuk  dua  të  përcjell vlerësimet , por  dua  të  përshkruaj emocionet  e  mija. Ishte  vërtet  bukur, kur  tek  çdo  fjalë  që  flitej  shqip  të  dukej   se  mikpritësve  ju  shkëlqenin sytë. Kur  je  në  veprimtari,  kur  je  në mes  miqve orët dhe  dita  kalon  si  pa  kuptuar.
Pasdite  programi na  çojë tek  salla  komode  e  hotel  restorant  "Albi”, në të cilin kaluam  disa  ore  vërtet  të  bukura.
Nga  organizatoret  ishte  parashikuar  ndarja  e  mirënjohjeve për  pjesëmarrësit, përshëndetje dhe leximi i  shumë  poezive. Me titullin “Mirënjohja” e kësaj veprimtarie u nderua Shoqata Atdhetare “Dukagjini” dhe pjesëmarrësit, Ndue Sanaj, Mhill Prroni, dr. Luigj Martini dhe Lulash Brigja. Biseda   vëllazërore, diskutime  mes  kolegësh, foto  dhe  trokitje  gotash. Këto  ishin  refreni  i  asaj  pasdite mjaft  të  bukur.
Fotot  flasin  sa  fjalët, ato  do  ti  ruajnë  përjetësisht  kujtimet e  kësaj dite  Shqiptare  në  Rozhajen  tone.
Në  u  larguam  në  mbrëmje   duke  lëne prapa  një  atmosferë  festive  që  ka vazhduar deri   vonë, duke  marre  me  vete  mirënjohje, respekt,  kuraja dhe  dëshirën  për  të  qenë  atje  përsëri.
***
Me 3 dhjetor,  në  Istog
Pak histori
Kur  bashkëpunimet  dhe  kontaktet  janë  mbresëlënëse  edhe  vështirësitë e  pengesat  për  të  qenë  prezent  kapërcehen. Kështu  ndodhi  edhe  me  ne,  në  rastin  e  ftesës  për  të  marre  pjesë,  të  ftuar  në konkursin  mbarëkombëtar  poetik  për  çmimin  "Ibrahim  Rugova”, në  Istog, me 3 dhjetor 2016.
Në  kuadër  të  manifestimit. "Zëri i  Vëllazërisë”  kemi  shkuar  disa  herë  në  Istog, por këtë  rralle  ishim  të  ftuar  nga  Klubi  letrar  "Podguri”, në  edicionin  e  dytë  të  këtij konkursi.
Mirënjohje    për  kryetarin  e klubit letrar “Podguri”, Sadik  Bicaj dhe  sekretarin  e tij, Nuredin  Imeraj.
Shoqata   Atdhetare "Dukagjini”,  atje  gëzon një  respekt të  veçante! Së  pari,  për  prezantimin me nivel te larte. Kjo  u  pa  edhe  në  kontaktet  më  drejtuesit  lokal  dhe  në  veçanti  me  kryetari  e komunës, z. Haki  Rugov. Në  Kosovë  kam  vënë re  se  pushtetarët. janë më  miqësorë dhe më serioz me  njerëzit  e  penës.
Para  se  të  fillonte pjesa  letrare,  përshëndeten  drejtuesit  e  Klubit letrar  "Podguri” dhe  ata  të  Komunës. Në  pjesën  poetike, u paraqiten  poetet  nga  të  gjitha hapësirat Shqiptare. Nuk  kishte  emra  të  mëdhenj  të  poezisë , ndoshta  edhe për  arsyen  e  organizimit  online  të  fazave  të  mëparshme,   por  përkushtimi dhe  korrektësia  ishin  maksimale.
Në  emër  të Shoqatës  tone, përshëndeti Kryetari Sanaj dhe me vendim të kryesisë së Shoqatës, u dorëzua titulli “Mirënjohja Martin Camaj”, Klubit letrar “Podguri”, me motivacion: “Në respekt të punës suaj për promovimin e kulturës tonë kombëtare. Si mirënjohje për bashkëpunimin midis artisteve dhe poetëve të këtij klubi letrar me Shoqatën Atdhetare “Dukagjini, i cili ju dorëzua kryetarit te Klubit, z. Sadik Bicaj. Gjithashtu këtij klubi, i  dhuroj  disa  nga  librat  e tij  në publicistike.
U  shpërndanë  çmimet përkatëse  dhe  mirënjohje  për  poetët. Poetja Hasije Selishta Kryeziu fituese e çmimit të parë mbarëkombëtar “Dr. Ibrahim Rugova”.
Ne,  u  përfaqësuam  aty  fale  mbështetjes të  kryetarit  të  degës të  Shoqatës  për  Shkodër, z.  Anton Kosteri dhe anëtarit te Shoqatës, z. Lulash Gjeloshi.

part03